ឃាតក សម្លាប់ឪពុកក្មេង ត្រូវបាននគរបាលចាប់ខ្លួន បានហើយ
21-February-2019 | ដោយ ពលមនសិការ
សៀមរាប៖ ឃាតក សម្លាប់ឪពុកក្មេង ត្រូវបានកម្លាំងនគរបាលស្រុកពួក សហការជាមួយកម្លាំងនគរបាលស្រុកអង្គរជុំស្រាវជ្រាវឃាត់ខ្លួនបានហើយ នៅរសៀលថ្ងៃទី២១ ខែកុម្ភៈ ឆ្នាំ២០១៩
លោក ទេព ពុំសែន អធិការស្រុកពួក បានឲ្យដឹងថាជនសង្ស័យឈ្មោះ សាន ចិក ភេទប្រុស អាយុ៥៦ឆ្នាំ ស្រុកកំណើតនៅភូមិខ្ជាយ ឃុំសសរស្តម្ភ ស្រុកពួក។
សូមបញ្ជាក់៖ កាលពីវេលាម៉ោង ៧ និង០៥នាទីយប់ទី១៩ ខែកុម្ភៈ ឆ្នាំ២០១៩ មានករណីឃាតកម្មមួយបានកើតឡើងនៅភូមិគោកត្របែក ឃុំគោកដូង ស្រុកអង្គរជុំ ខេត្តសៀមរាប បង្កឡើងដោយជនសង្ស័យឈ្មោះ សាន ចិក (ត្រូវជាកូនប្រសារជនរងគ្រោះ) បានយកកាំបិតខ្វែវ កាប់ទៅលើជនរងគ្រោះ ឈ្មោះ ផន ប្រេម ភេទប្រុស អាយុ ៨៥ឆ្នាំ បណ្តាលឲ្យស្លាប់ភ្លាមៗនៅហ្នឹកន្លែងកើតហេតុ ហើយជនសង្ស័យក៏គេចខ្លួនបាត់។
មូលហេតុ៖ ជនសង្ស័យបានឈ្លោះគ្នា ជាមួយប្រពន្ធ ហើយជនរងគ្រោះជាឪពុកក្មេក បានទៅបំបែកជម្លោះនោះ ទើបធ្វើឲ្យជនសង្ស័យខឹង បានយកកាំបិតកាប់មកលើជនរគ្រោះទាំងកំរោលតែម្តង៕
ចំនួនអ្នកទស្សនា
- ថ្ងៃនេះ2231
- ម្សិលមិញ11441
- សប្តាហ៍នេះ32061
- ខែនេះ147211
- ឆ្នាំនេះ147211
- សរុប20589667